Mostra de Curtas Noia

A Mostra de Curtametraxes Vila de Noia nace promovida polo Concello e un grupo de mozos con inquietudes no mundo audiovisual, que o converteron nun  acontecemento de extraordinaria relevancia cultural e cinematográfica.

 

Tras a celebración de XVII edicións, a Mostra de Curtametraxes Vila de Noia consolidouse como  un referente destacable tanto para  profesionais como para afeccionados do mundo audiovisual;  pola numerosa participación de películas, os encontros profesionais simultáneos ás proxeccións, as actividades culturais complementarias e o incondicional apoio do público.

 

A Mostra consiste nunha selección de cintas que pola súa variedade temática atrae a atención de numeroso público. O criterio seguido para confeccionar o programa ofertado procura mesturar sempre a calidade con orixinalidade que proporcionan as últimas tendencias cinematográficas.